Kulturmuitohálddašeami birra

Dálkkádat- ja birasdepartemeanta

Dálkkádat- ja birasdepartemeanttas lea bajitdási ovddasvástádus Norgga kulturmuittuide ja kulturbirrasiidda.

Riikaantikvára

• galgá bidjat johtui ráđđehusa politihka ja ráhkadit vuođu politihkkii
• galgá leat lea Dálkkádat- ja birasdepartemeantta ráđđeaddi buot áššiin mat gusket kulturmuittuide ja kulturbirrasiidda
• lea ráfáiduhttin-, cealkinváldi- ja váiddaeiseváldi
• lea sierralobieiseváldi muhtun válljejuvvon kulturmuittuide.  Dat guoská dan njealji stuora gaskaáiggegávpogii ja muhtun visttiide ja rusttegiidda
• lea ovddasvástádus girkohálddašeapmái
• lea vuogádathálddašeaddji, mii mearkkaša ovddasvástádus ovddidit digitála bálvalusaid mat sihkkarastet ovttalaš kulturmuitohálddašeami ja hálddašit guovddáš dieđuid kulturmuittuid birra almmolaš hálddašeamis

Fylkkasuohkan/Sámediggi

• lea ovddasvástádus kulturmuittuide fylkkas ja kulturmuittuide sámi guovlluin.
• lea ovddasvástádus váldit vuhtii kulturmuittuid areálaplánemis dm. fuolahit váldimis vuhtii kulturmuittuid ja – birrasiid plánemis, maiddái suohkandásis
• lea mearridanváldi kulturmuitolága mielde eanas kulturmuittuide gč. ođđa ovddasvástádusláhkaásahusa
• sáhttá ráhkkanahttit áššiid Riikaantikvárii
• lea ovddasvástádus bargui ja jođihit barggu regionála plánastrategiijain, regionála plánaiguin ja plánamearrádusain.

Suohkanat

• sin ovddasvástádus lea áimmahuššat ja láhčit dili atnit kulturmuittuid, kulturbirrasiid ja eanadagaid areála- ja servodatplánemis. Plána- ja huksenláhka lea deháleamos juridihkalaš reaidu, muhto suohkanis leat maiddái eará váikkuhangaskaoamit, ovdamearkka dihte doarjagat ja opmodatvearu luvven.
• muhtun gávpotsuohkaniin lea gávpotantikvára. Dasa lassin leat muhtun suohkaniin virggit sullasaš bargguiguin

Arkeologalaš museat

Arkeologalaš museat leat fágalaš ráđđeaddit Riikaantikvárii arkeologalaš kulturmuittuide nannámis ja čáze vuolde.

Arkeologalaš kulturmuittut lea automáhtalaččat ráfáidahttojuvvon kulturmuitolága mielde. Roggamiid sáhttá dušše čađahit go sierralobi oažžu ráfáiduhttinmearrádusain.

Arkeologalaš riikaoassemuseat:

• Kulturhistorjjálaš musea, Oslo Universitehta
• Arkeologalaš musea, Stavangera Universitehta
• Bergen Universitehtamusea
• NTNU dieđalašmusea, Troandin
• Romssa Musea – Universitehtamusea

Dáin museain lea ovddasvástádus arkeologiijii čáze vuolde:

• Norgga Maritiima Musea, Oslo
• Musea Stavanger
• Vuođđudus Bergena Mearrajohtolatmusea
• NTNU dieđalašmusea, Troandin
• Romssa Musea – Universitehtamusea

Norgga kulturmuitodutkama instituhtta (NIKU) iská gaskaáiggi arkeologalaš kulturmuittuid. Dát guoská girkobáikkiide, kloastariidda, ladnerusttegiidda ja gávcci gaskaáiggegávpogii (Bergen, Hamar, Oslo, Sarpsborg, Skien, Stavanger, Troandin ja Tønsberg).

Svalbárdda áššeolmmái

Áššeolmmái hálddaša kulturmuitosuodjaleami Svalbárddas, nu movt svalbárddatbiraslágas lea mearriduvvon.