BAGADUS
Doarjja
Jus don eaiggádat dahje hálddašat kulturmuittu, de sáhtát ohcat doarjaga doaimmaide nugo divvunbargguide, sihkkarastimii ja seailluheapmái. Dáppe gávnnat dieđuid masa sáhtát ohcat doarjaga, ja maid galggat bargat go áiggut ohcat.
Doarjja priváhta eaiggáduvvon ráfáidahtton kulturmuittuide
Geat sáhttet ohcat?
Ráfáidahtton visttiid ja ráhkkanusaid priváhta eaiggádat ja hálddašeaddjit. Priváhta eaiggádat ráfáidahtton kulturmuittuin ja kulturbirrasiin mat leat mihtilmasat mearragátti eallimii ja doibmii. Priváhta eaiggádat earenoamáš suodjalanárvosaš kulturmuittuin ja kulturbirrasiin mat leat mearragátti eallimii ja doibmii mihtilmasat.
Masa sáhtát ohcat doarjaga?
Doarjaga divvunbargguide ja ortnegisdoallamii.
Movt don ozat?
Sádde ohcama fylkkasuohkanii, dahje Sámediggái jus lea sáhka sámi kulturmuittuin ja kulturbirrasiin.
Ohcanáigemearri:
Fylkkagielddas ja Sámedikkis eai leat seamma ohcanáigemearit. Váldde singuin oktavuođa jus eanet dieđuid háliidat.
Poasta stáhtabušeahtas
Kap. 1429, poasta 71
Doarjja kulturbirrasiidda ja kultureanadagaide
Geat sáhttet ohcat?
Priváhta eaiggádat ja hálddašeaddjit opmodagain mat leat oassin ráfáidahtton kulturbirrasiin ja kultureanadagain. Priváhta eaiggádat ja hálddašeaddjit opmodagain mat leat oassin hui mávssolaš kulturbirrasiin ja kultureanadagain. Doarjagiid galgá ovddemusat juohkit doaimmaide mat leat sajáiduhtton hálddašan- ja seailluhanplánain.
Masa sáhtát ohcat doarjaga?
Doarjaga divvunbargguid, ortnegisdoallamii ja seailluheapmái.
Movt don ozat?
Sádde ohcama fylkkagildii.
Ohcanáigemearri:
Fylkkagielddain leat iešguđet ohcanáigemearit. Váldde oktavuođa fylkkagielddain jus háliidat eanet dieđuid.
Poasta stáhtabušeahtas
Kap. 1429, poasta 71.
Doarjja sámi kulturmuittuide ja kulturbirrasiidda
Geat sáhttet ohcat?
Sámi kulturmuittuid ja kulturbirrasiid priváhta eaiggádat.
Masa sáhtát ohcat doarjaga?
Doarjaga sámi kulturmuittuid ja kulturbirrasiid ortnegisdoallamii ja ođasteapmái, muhto maiddái seailluheapmái, sihkkarastimii, divvunbargguide ja gaskkusteapmái.
Movt don ozat?
Sádde ohcama Sámediggái. Ohcanskovi gávdná Sámedikki neahttasiidduin.
Ohcanáigemearri:
Sámedikkis leat sierra ohcanáigemearit, váldde oktavuođa Sámedikkiin jus háliidat eanet dieđuid.
Poasta stáhtabušeahtas
Kap. 1429, poasta 71
Doarjja konserveret fásta viessodávviriid
Geat sáhttet ohcat?
Ráfáidahtton visttiid priváhta eaiggádat gos stohpoortnet lea oassin ráfáiduhttimis.
Masa sáhtát ohcat doarjaga?
Doarjaga gieđahallat málejuvvon seaidnehervemiid, seaidnebáhpira ja fásta viessodávviriid.
Movt don ozat?
Sádde ohcama fylkkagildii.
Ohcanáigemearri:
Fylkkagielddain leat iešguđet ohcanáigemearit. Váldde oktavuođa jus háliidat eanet dieđuid.
Poasta stáhtabušeahtas
Kap. 1429, poasta 71
Doarjja fatnasiidda
Geat sáhttet ohcat?
Ráfáidahtton fatnasiid eaiggádat ja hálddašeaddjit ja fatnasiid eaiggádat ja hálddašeaddjit maidda Riikaantikvára lea addán stáhtusa “suodjaluvvon skiippat”.
Masa sáhtát ohcat doarjaga?
Doarjaga fatnasiid sihkkarastimii, divvunbargguide ja ortnegisdoallamii.
Movt don ozat?
Fanasdoarjaga ohcama sáddet ohcanvuogádagas Digiášši.
Ohcanáigemearri:
skábmamánu 1.b.
Poasta stáhtabušeahtas
Kap. 1429, poasta 74
Doarjja fanassuodjalanguovddážiidda
Geat sáhttet ohcat?
Dat golbma fanassuodjalanguovddáža Davvi-Norgga Fanassuodjalanguovddáš ja Rivttága Fanasmusea, Hardanger Fanassuodjalanguovddáš Norheimsundas ja Bredalsholmen Hámmanálddis- ja Fanassuodjalanguovddáš Kristiansandas.
Masa sáhtát fanassuodjalanguovddážat ohcat doarjaga?
Doarjaga fanassuodjalanguovddážiid fanassuodjalankonsuleanttaid bálkkáide. Unnit oassi doarjagis sáhttá addot ráhkkanusinvesteremiidda mat dárbbašuvvojit oktasašbálvalusaid doaimmaheapmái.
Movt ohcet fanassuodjalanguovddážat?
Fanassuodjalanguovddážat ožžot sierra ohcanskovi, maid sii máhcahit Riikaantikvárii.
Ohcanáigemearri
golggotmánu 1. b. 2020.
Poasta stáhtabušeahtas
Kap. 1429, poasta 75
Doarjja buollinsihkkarastit muorraviessobirrasiid mat leat čoahkis
Geat sáhttet ohcat?
Suohkanat sáhttet ohcat, priváhta eaiggádiid ja hálddašeddjiid ovddas geat eaiggádiid visttiid muhtun válljejuvvon muorraviessobirrasiin.
Masa sáhtát ohcat doarjaga?
Doarjaga ráhkadit buollinsihkkarastinplánaid, teknihkalaš buollinsihkkarastindoaimmaide nugo buollindetekšuvdnii ja jáddadanrusttegiidda/jáddanbiergasiidda (ovdamearkka dihte čáhcecirgunrusttet lovttas ja jáddadanšláŋŋa).
Movt don ozat?
Suohkan sádde ohcama Riikaantikvárii.
Ohcanáigemearri
Ohcanáigemearri lea guovvamánu 15.b.2020:s.
Poasta stáhtabušeahtas
Kap. 1429, poasta 73
Doarjja girkodáidaga konserveremii
Geat sáhttet ohcat?
Girkolaš oktasašráđit ja eará girkoeaiggádat ja girkohálddašeaddjit.
Masa sáhtát ohcat doarjaga?
Doarjaga konserveret ja divodit maleriijaid, áltártávvaliid/áltárskábiid, sárdnestuoluid, gástajulggiid, bácciid, tekstiillaid, girkosilbbaid ja eará dávviriid girkus.
Movt don ozat?
Sádde ohcama Riikaantikvárii.
Ohcanáigemearri:
Girkodáidaga doarjjaohcamiid sáhttá sáddet olles jagi, muhto mii ávžžuhit sáddet ohcama ovdal ođđajagimánu 15.b.
Doarjja máilmmiárbái
Geat sáhttet ohcat?
Sii geat eaiggádit ja hálddašit báikkiid mat čužžot Unesco máilmmiárbelisttus (Báktedáidda Álttás, Bryggen Bergenis, Rjukan ja Notodden Industriijaárbi, Plassje báktegávpot ja Circumferensen, Urnes stáhpegirku, Vega-sullot, Oarje-Norgga vuotnaeanadat, Struves meridiánadávgi). Fylkkasuohkanat sáhttet ohcat ruđaid stuorát bargguide eaiggádiid ovddas.
Masa sáhtát ohcat doarjaga?
Doarjaga máilmmiárbeguovlluid kulturmuittuid, kulturbirrasiid ja eanadagaid sihkkarastimii, divodanbargguide, seailluheapmái, goziheapmái ja eará dárbbašlaš doaimmaide.
Movt don ozat?
Urnes stáhpegirku ja Álttá Báktedáidaga ohcamat galget sáddejuvvot Riikaantikvárii. Bryggen Bergenis, Vega-sulluid, Oarje-Norgga vuotnaeanadagaid, Rjukan-Notodden industriijaárbbi ja Struves meridiánadávggi ohcamat galget sáddejuvvot daid fylkkasuohkaniidda gosa dat gullet. Plassje báktegávpoga ja Circumferensen ohcamat galget priváhta eaiggáduvvon ráfáidahtton visttiid ohcamat sáddejuvvot fylkkasuohkanii, eará ohcamat sáddejuvvojit suohkaniidda, ja suohkaniid ohcamat ges galget sáddejuvvot Riikaantikvárii.
Poasta stáhtabušeahtas
Kap. 1429, poasta 79.
Ohcanáigemearri
Fylkkagielddain ja suohkaniin leat sierra ohcanáigemearit. Riikaantikvárii lea ohcanáigemearri ođđajagimánu 15.b.
Doarjja teknihkalaš ja industriála kulturmuittuide
Geat sáhttet ohcat?
Teknihkalaš ja industriála kulturmuittuid eai – stáhtalaš eaiggádat ja hálddašeaddjit.
Masa sáhtát ohcat doarjaga?
Doarjaga sihkkarastimii, divvunbargguide ja ortnegisdoallamii. Don sáhtát maid ohcat doarjaga doaimmaide mat eará lági mielde sihkkarastet dahje duođaštit teknihkalaš ja industriála kulturmuittuid.
Movt don ozat?
Deavdde ohcanskovi vulobealde, ja sádde dan Riikaantikvárii: postmottak@ra.no
Ohcanáigemearri
skábmamánu 1. b. 2020.
Poasta stáhtabušeahtas
Kap. 1429, poasta 72.
Doarjja kulturmuitosuorggi árvoháhkanbargui
Geat sáhttet ohcat?
Almmolaš ja priváhta aktevrrat geatnegahtti ovttasbarggus ja searvevuođas suorgerájiid ja rastá ja hálddašandásiid gaskkas.
Masa sáhtát ohcat doarjaga?
Doarjaga báikkálaš ja regionála ovddidanprošeavttaide, dakkár surggiide nugo ealáhusovddideapmi, báikekvalitehta, biras, dálkkádat, searvan, eallinkvalitehta ja ođđajurddašeapmi.
Movt don ozat?
Sádde ohcama Riikaantikvárii ja kopiija fylkkagildii ja vejolaččat Sámediggái jus lea sáhka sámi kulturmuittuin. Riikaantikvára boahtá lagas ovttasbarggus guoskevaš fylkkagielddaiguin ja Sámedikkiin árvvoštallat ohcamiid.
Ohcanáigemearri
Ii leat makkárge ohcanáigemearri, ohcamat meannuduvvojit dađistaga.
Poasta stáhtabušeahtas
Kap. 1429, poasta 77.
Ohcama disposišuvdna
Doarjagat suohkaniid kulturmuitobargguide
Geat sáhttet ohcat?
Suohkanat.
Masa sáhttet suohkanat ohcat doarjaga?
Doarjaga bargagoahtit kulturmuitoplánain dahje ođastit dálá kulturmuitoplána, ja gelbbolašvuođamodeallaide mat nannejit barggu báikkálaččat ja regionálalaččat.
Movt don ozat?
Sádde ohcama fylkkagildii, mii dan sádde viidáset Riikaantikvárii.
Ohcanáigemearri
Lea buorre rehkenastit veaháš buori áiggi, daningo fylkkagielddain leat iešguđet áigemearit goas fertejit oažžut suohkaniid ohcamiid. Váldde oktavuođa fylkkagielddain jus háliidat eanet dieđuid.
Riikaantikvára ohcanáigemearri lea guovvamánu 15.b.2020.
Poasta stáhtabušeahtas
Kap. 1429, poasta 60.
Gokčat arkeologalaš iskkadangoluid unnit, priváhta doaimmain
Kulturmuitolága váldonjuolggadus lea ahte almmolaš ja stuorát, priváhta doaibmaálggaheaddjit fertejit máksit dárbbašlaš arkeologalaš registreremiid dahje roggamiid ovddas. Go guoská smávit, priváhta doaimmaide, de stáhta ollásit dahje belohahkii gokčá goluid. Don sáhtát lohkat eambbo smávit, priváhta doaimmaid birra johtočállosis T2-07 ráđđehusa neahttasiidduin.
Gii sáhttá oažžut doarjaga?
Arkeologalaš iskkademiid priváhta doaibmaálggaheaddjit.
Movt don sáhtát oažžut doarjaga?
Don it galgga sáddet doarjjaohcama smávit, priváhta doaimmaid arkeologalaš iskkademiide. Go ohcá lobi duohtademiid dahkat automáhtalaš ráfáidahtton kulturmuittuin, de fylkkasuohkan ja Sámediggi árvvoštallaba lea go ohcamis sáhka smávit, priváhta doaimmas. Riikaantikvára dahká loahpalaš mearrádusa ja máksá doarjaga dan ásahussii mii čađaha arkeologalaš iskkademiid. Jus doaibma árvvoštallojuvvo leat smávit, priváhta doaibman, de stáhta gokčá ollásit dahje belohahkii arkeologalaš iskkadangoluid. Fylkkasuohkanii galgá sáddet ohcama oažžut lobi duohtademiid dahkat automáhtalaš ráfáidahtton kulturmuittus.
Poasta stáhtabušeahtas
Kap. 1429, poasta 70.
Gokčat arkeologalaš iskkadangoluid earenoamáš sivaid geažil
Stáhta sáhttá, ollásit dahje belohahkii, gokčat dárbbašlaš arkeologalaš iskkadangoluid, jus dasa gávdnojit earenoamáš sivat.
Gii sáhttá oažžut doarjaga?
Arkeologalaš iskkademiid doaibmaálggaheaddjit.
Movt don sáhtát oažžut doarjaga?
Jus du mielas leat earenoamáš sivat manin stáhta galgá gokčat dáid goluid, de berre doaibmaálggaheaddji čilget dan go son ohcá lobi duohtademiid dahkat automáhtalaš ráfáidahtton kulturmuittus. Eai leat makkárge fásta njuolggadusat dasa mat earenoamáš sivat sáhttet leat.
Poasta stáhtabušeahtas
Kap. 1429, poasta 70.
Doarjja arkeologalaš kulturmuittuide (seailluheapmi, duođašteapmi, gaskkusteapmi ja eará doaimmat)
Geat sáhttet ohcat?
Automáhtalaš ráfáidahtton arkeologalaš kulturmuittuid hálddašeaddjit. Doarjja vuosttažettiin gullá seailluhanprográmmaide Báktedáidaga seailluhanprográmma (BERG) ja Válljejuvvon, arkeologalaš kulturmuittuid ja kulturbirrasiid seailluhanprográmma (BARK).
Masa sáhtát ohcat doarjaga?
Doarjaga seailluheapmái, duođašteapmái, gaskkusteapmái ja eará doaimmaide mat buoridit beasatlašvuođa dahje váikkuhit ráddjeme kulturmuittuid gollama.
Movt don ozat?
Sádde ohcama fylkkasuohkanii, dahje Sámediggái jus lea sáhka sámi kulturmuittuin.
Ohcanáigemearri:
Fylkkagielddas ja Sámedikkis eai leat seamma ohcanáigemearit. Váldde singuin oktavuođa jus eanet dieđuid háliidat.
Fylkkagielda, Sámediggi ja arkeologalaš hálddašanmuseat galget sáddet ohcama Riikaantikvárii ovdal ođđajagimánu 15.b.
Poasta stáhtabušeahtas
Kap. 1429, poasta 70.
Gávdnanbálká
Gii sáhttá oažžut gávdnanbálkká?
Riikaantikvára sáhttá addit gávdnanbálkká bođu kulturmuittuid gávdnosiidda ovdal jagi 1537, ovdal jagi 1650 ruovderuđaide ja sámi dávviriidda jagi 1917 rájes ja ovdal dan. Sáhttá maid addot gávdnanbálká skiipagávdnosiidda mat leat badjel 100 jagi boarrásat, ovdamearkka dihte lassireaidduide, guorbmái ja eará diŋggaide mat leat leamašan fatnasis, go eaiggát lea amas. Don it galgga sáddet gávdnanbálkká ohcama, lea Riikaantikvára gii mearrida ja máksá gávdnanbálkká, arkeologalaš hálddašanmuseaid rávvagiid vuođul. Gávdnanbálká galgá álgoálggus juhkkojuvvot ovttasturrosaččat gaskal su gii gávdná ja eanaeaiggáda.
Poasta stáhtabušeahtas
Kap. 1429, poasta 70.
Doarjja gaskaáiggi visttiide
Geat sáhttet ohcat?
Gaskaáiggi (ovdal jagi 1537)Automáhtalaš ráfáidahtton visttiid priváhta eaiggádat.
Masa sáhtát ohcat doarjaga?
Doarjaga gaskaáiggi visttiid divvunbargguide, ođastan- ja sihkkarastindoaimmaide.
Movt don ozat?
Sádde ohcama Riikaantikvárii, postmottak@ra.no
Ohcanáigemearri
Ii leat makkárge earenoamáš ohcanáigemearri, don sáhtát ohcat birra jagi.
Poasta stáhtabušeahtas
Kap. 1429, poasta 73.
Doarjja stáhpegirkuid buollinsihkkarastimii
Geat sáhttet ohcat?
Stáhpegirkuid eaiggádat.
Masa sáhtát ohcat doarjaga?
Doarjaga stáhpegirkuid buollinsihkkarastimii.
Movt don ozat?
Sádde ohcama Riikaantikvárii, postmottak@ra.no
Ohcanáigemearri:
Ii leat makkárge ohcanáigemearri. Riikaantikvára váldá vuostá ohcamiid birra jagi, ja lea dađistaga oktavuohta 28 stáhpegirku eaiggádiiguin riikkas.
Poasta stáhtabušeahtas
Kap. 1429, poasta 73.
Doarjja gaskaáiggi geađgegirkuid buollinsihkkarastimii
Geat sáhttet ohcat?
Gaskaáiggi stáhpegirkuid eaiggádat (ovdal jagi 1537).
Masa sáhtát ohcat doarjaga?
Doarjaga geađgegirkuid buollinsihkkarastimii.
Movt don ozat?
Sádde ohcama Riikaantikvárii, postmottak@ra.no
Ohcanáigemearri
guovvamánu 15. b. 2020.
Poasta stáhtabušeahtas
Kap. 1429, poasta 73.
Doarjja gaskaáiggi vistebázahusaide ja rusttegiidda
Geat sáhttet ohcat?
Gaskaáiggi (ovdal jagi 1537) vistebázahusaid ja rusttegiid eaiggádat ja hálddašeaddjit. Doarjjaortnet gullá vistebázahusaid suodjalanprográmmii.
Masa sáhtát ohcat doarjaga?
Doarjaga vuoruhuvvon gaskaáiggi vistebázahusaid ja rusttegiid divvunbargguide, ođastan-, sihkkarastin- ja gaskkustandoaimmaide.
Movt don ozat?
Sádde ohcama Riikaantikvárii, postmottak@ra.no
Ohcanáigemearri:
guovvamánu 15. b. 2020.
Poasta stáhtabušeahtas
Kap. 1429, poasta 73.
Digiášši
Digiášši lea ođđa ohcanportála kulturmuitohálddašeami doarjja- ja sierralohpeáššiid meannudeapmái.
Loga eambbo Digiášši birra dáppe
Ohcamii buorit cavgileamit
Dás sáhtát lohkat eambbo maid buorre doarjjaohcan berre sisttisdoallat.
2020 Doarjjaortnegat
Johtočállosis Doarjjaortnegat 2020 váste Dálkkádat- ja birasdepartemeantta neahttasiidduin gávnnat eanet dieđuid iešguđetge doarjjaortnegiid birra.
Kulturmuitofoanda
Kulturmuitofoanda lea doarjjaortnet suodjalanárvosaš kulturmuittuid priváhta eaiggádiidda.
Ii leat makkárge ohcanáigemearri, ohcamat meannuduvvojit dađistaga.
Eará doarjjaortnegat
Huksen ja suodjal lea ráhkadan bajilgova doarjjaortnegiin maid sáhttá ohcat.
