Urnes stáhpegirku

Stáhpegirku

Stáhpegirkut huksejuvvojedje dainna váddáseamos muorrakonstrukšuvnna huksenteknihkain mii gávdnui Davvi – Eurohpás geađgeáiggis gaskaáigái. Jáhkkimis leat oktiibuot huksejuvvon su. 1300 stáhpegirku. Dušše oassi dain leat suodjaluvvon, muhto Norggas lea dat alimus suodjaluvvon stáhpegirkuid lohku.

Urnes huksejuvvui nuppi oasis 1100 – logus ja lea okta dain boarráseamos ja buoremusat suodjaluvvon stáhpegirkuin. Girkus lea mearkkat boarráset girku maŋis mii lei huksejuvvon seamma sadjái.

Dat lea ovdamearkan hui čeahpes giehtabargui ja čiŋain leat erenoamáš čáppa muorračuohpastagat. Stohpoortnet leat maiddai hui ollu čiŋahuvvon. Sihke stohpoortnegis ja muđui muorrabargguin vuhttojit sihke keldalaš, norrøna ja romalaš dáiddaárbevierut. Dasa lassin lea girku huksejuvvon hirpmahuhtti vuotnaeanadahkii Lustravutnii, Sognefjordena vuotnabahtii.

Ovdal lei Urnes stáhpegirku priváhta girku muhtun rikkis Urneasa bearrašii.

Máilmmiárbi

Urnes stáhpegirku sisačállojuvvui Unesco máilmmiárbelistui 1979:s.

Bláđe govaid Urnes stáhpegirkus