Totalt kom det inn 118 søknadar, med ei samla søknadssum på 51,6 millionar kroner.

Tilskota skal styrke kulturmiljø i bygd og by, samt næring og industri. Av desse søknadane var 94 retta mot bygd og by, 40 mot næring og industri og 16 søknader treff begge tema.

– Kulturmiljø blir best tekne vare på når dei er i bruk. Prosjekta vi støttar skal gjere det enklare for folk å oppleve, lære om og ta del i kulturarven vår. Slik kan kulturmiljø skape aktivitet, møteplassar og nye moglegheiter for utvikling i lokalsamfunna. Derfor er det viktig å støtte dei gode ideane som får dette til å skje, seier klima- og miljøminister Andreas Bjelland Eriksen.

Kulturmiljø som ressurs

Føremålet med midlane er å bidra til å skape nye moglegheiter, løyse utfordringar og samordne innsats knytt til kulturminne og kulturmiljø.

Prosjekta skal leggje til rette for bruk av kulturmiljø som ressurs, og styrkje rolla kulturmiljø kan spele i lokal og regional utvikling.

– Prosjekta vi gir støtte til, viser korleis kulturmiljø kan vere ei aktiv kraft i utviklinga av lokalsamfunna. Det handlar både om å ta vare på historia og om å bruke henne – til å skape nye moglegheiter for folk, gjennom samarbeid som bidreg til verdiskaping, seier riksantikvar Hanna Geiran.

– I tildelinga har vi vore opptekne av å løfte fram prosjekt som både held høg kvalitet og som på ein god måte tek i bruk kulturmiljø som ein ressurs, legg Geiran til.

Riksantikvaren gjer tilskot til 16 prosjekt:

8 prosjekt innan næring og industri (1 250 000 kroner)
8 prosjekt innan bygd og by (2 209 000 kroner)

Fordelinga speglar at det var særleg mange gode søknader innan bygd og by. Samtidig er det gledeleg å sjå breidda i prosjekta innan næring og industri, mellom anna med prosjekt knytte til urfolk og nasjonale minoritetar.

Folk samles i et snødekt landsbylandskap med hester, sleder og rustikke trehus; noen av dem har på seg vinterklær og pelsluer.

Rørosmartnan: lasskøyrarkulturen er ein viktig del av den immaterielle verdsarven. Sidan 1981 har forbønder og lasskøyrarar igjen kome med hest og slede frå store delar av regionen.
Foto: Ragnhild Hoel, Riksantikvaren.

Gågata i Lillehammer, med butikker, benker og et tre; folk som går og ser på butikkvinduene på en overskyet dag.

Lillehammer fyller 200 år i 2027, og prosjektet «Nye auge på kulturmiljøet i byen» har fått støtte.
Foto: Guri Dahl, Riksantikvaren.

En dam på NMBU i Ås, omgitt av høstløvverk, med trær og gress i bakgrunnen, og planter som speiler seg i vannoverflaten.

Har fått støtte: Pilot for etablering av nasjonalt senter for hagekunst- og landskapsarkitekturhistorie.
Foto: May Britt Håbjørg, Riksantikvaren.

Korleis vert tilskota brukt?

Tilskota går til prosjekt som brukar kulturmiljø som utgangspunkt for utvikling – i lokalsamfunn, næringsliv og stadutvikling.
Målet er å skape nye moglegheiter, styrkje samarbeid og finne gode løysingar på lokale utfordringar.

Prosjekta som får støtte kjenneteiknast ved at dei:

utviklar og deler kunnskap og kompetanse
samlar ulike aktørar om felles mål
gir erfaringar og metodar som kan kome fleire til gode
bidreg til berekraftig bruk av kulturmiljø

Innan næring og industri går midlane til prosjekt som løftar fram og vidareutviklar industrimiljø, småindustri og infrastruktur – med særleg vekt på kunnskap og kompetanse.

Her kan du sjå oversikta over årets fordeling:

Namn på prosjekt	Søkjer	Beløp søkt	Tildeling
Klevfos-seminaret	Anno Klevfos industrimuseum	150000	50000
Industristaden Stongfjorden – formidling, fornying og framtidsretta bruk av eit nasjonalt industrikulturmiljø	Stangfjord bruksskule	200000	150000
Cross cut – formidling, identitet og møteplassar	Tokke kommune	200000	150000
Bevaring og videreutvikling av Myhre Torvstrøfabrikk i Birkenes kommune	Stiftelsen Birkenes bygdemuseum	500000	300000
Vinterarv: Kunnskapsbygging og organisering for å sikre vintervegene og bruken av dem	Fórbonde- og Lasskjørerunionen	500000	275000
Sølvveien og Kunstnerleden — historiske ferdselsårer mellom by, land, kultur og industri.	Kunstnerleden forening	90000	50000
Vern gjennom bruk – pilot Bredalsholmen	Stiftelsen Bredalsholmen Dokk og Fartøyvernsenter	350000	175000
Oppgangssaga i Aursfjorden: gammelt kulturmiljø får nytt liv	Midt-Troms Museum	178500	100000
Sum		2168500	1250000

Innan bygd og by støttar vi prosjekt som styrkjer identitet og særpreg, og utviklar kunnskap og kompetanse knytt til bevaring og bruk av møteplassar, bygningar og uterom. Nokre prosjekt viser også korleis arkeologiske kulturminne kan bli ein aktiv ressurs i stadutvikling.

I vurderingane har vi mellom anna lagt vekt på kor godt prosjekta svarer på prioriteringane i utlysinga, kvaliteten på samarbeidet, og kva moglegheiter prosjekta gir for verdiskaping og læring utover det enkelte prosjektet. Her kan du sjå oversikta over årets fordeling:

Her kan du sjå oversikta over årets fordeling:

Namn på prosjekt	Søkjer	Beløp søkt	Tildeling
Pilotprosjekt: Nytt liv til «Den Gamle Pressen» – avis og trykkehus i Lillesand	Foreningen den gamle pressen	250000	209000
Pilot for etablering av Nasjonalt senter for hagekunst- og landskapsarkitekturhistorie – kompetanseløft for historiske grøntanlegg i kommunal og regional forvaltning	NMBU	250000	200000
Vikingfylket Rogaland – kulturmiljø som ressurs i stedsutvikling og reiseliv	Eigersund næring og hamn KF	400000	300000
Tradisjonshåndverk på Eidsvoll bygdetun	Museene i Akershus	800000	650000
Kulturmiljøverksted for unge	Osen kommune	250000	200000
Kulturmiljø i sentrum – Kulturparken i Ås	Ås kommune	300000	250000
Gylne Tider – ny framtid for fortiden	Indre Østfold kommune	250000	200000
Lillehammer 200 år – nye øyne på byens kulturmiljø	Innlandet fylkeskommune	200000	200000
Sum		2700000	2209000

Tilskot til kulturmiljø, kulturminne og landskap

Riksantikvaren deler kvart år ut tilskot til kulturminne, kulturmiljø og landskap. Tilskota skal bidra til både bevaring og utvikling – slik at kulturarven framleis er relevant og til nytte i samfunnet vårt.

Midlane blir fordelte over fleire tilskotsordningar, finansierte over statsbudsjettet. Saman skal desse bidra til å ta vare på historia om Noreg – samtidig som vi legg til rette for ny bruk og ny verdi i framtida.

Oversikta over tilskotsordningane finn du på nettsidene til Riksantikvaren. Her kan du også lese meir om fristar og krav.