Riksantikvartimen – kulturmiljøstrategiar for bygd, by, næring og industri

Riksantikvartimen – om kulturmiljø i bygd og by, og kulturmiljø i næring og industri

Nye strategiar for å ta vare på historiske spor i bygd, by, næring og industri

Regjeringa har vedteke to nye nasjonale bevaringsstrategiar for kulturmiljø i bygder og byar, og dessutan i næring og industri. Dei skal sikre at historiske spor blir tekne vare på og brukte som ressursar i ei berekraftig samfunnsutvikling.

I denne Riksantikvartimen presenterer to bevaringsstrategikoordinatorer dei to nye strategiane og svarar på spørsmål frå dykk som følgjer sendinga.

Du får høyre seniorrådgjevar Vignir Freyr Helgason fortelje om bevaringsstrategi for kulturmiljø i bygd og by, og seniorrådgjevar Jorunn Elise Gunnestad fortelje om bevaringsstrategi for kulturmiljø i næring og industri.

Dei vil òg informere om utlysinga for verdiskapingsprosjekt knytte til begge strategiane, med søknadsfrist 14. april.

Riksantikvartimen blir send som eit webinar i Teams. Du treng ikkje melde deg på, eller installere noko – gå inn i denne lenka rett før sendinga klokka 09:00 torsdag 26. mars.

Om du har spørsmål, kan du gjerne sende oss ein e-post til arrangement@ra.no

Har du ikkje høve til å vere med på direktesendinga? Alle Riksantikvartimane blir lagde ut i YouTube-kanalen vår.