– Vår samla vurdering er at detaljreguleringa for Bybanen, delstrekninga Kaigaten-Sandviken, og hovudsykkelruta over Bryggen kan godkjennast av kommunen, seier riksantikvar Hanna Geiran.
Ei godkjenning føreset at det blir gjennomført nødvendige arkeologiske undersøkingar og avbøtande tiltak, mellom anna miljøovervaking og risikostyring for å unngå påverknad av grunnvatnet.
I Bergen er det fleire kulturmiljøKulturmiljø: Et område der kulturminner inngår som del av en større helhet eller sammenheng. Også naturelementer med kulturhistorisk verdi kan inngå i et kulturmiljø. Kulturmiljøer kan for eksempel være et byområde, ei setergrend, et fiskevær eller et industriområde med fabrikker og boliger. med stor nasjonal og internasjonal verdi. Det fører med seg strenge krav til nye tiltak som verkar inn på desse verdiane.
– Bybanen er det viktigaste klimatiltaket Bergen kommune gjennomfører for å styre mot å bli eit lågutslepp-samfunn, seier Geiran.
– Kulturmiljøa må takast vare på samstundes som bane og sykkelveg bidreg til ei berekraftig byutvikling og betre transportløysingar i Bergen, seier Geiran.
Utfordringar med grunnvatn
Vurderinga byggjer på omsynet til kulturminneKulturminne: Kulturminner er alle spor etter menneskers liv og virke i vårt fysiske miljø. Begrepet omfatter også steder det knytter seg historiske hendelser, tro eller tradisjon til. Også naturelementer med kulturhistorisk verdi er kulturminner, eller kan inngå som del av et kulturminne. Kulturminner kan for eksempel være bygninger, hager, gravhauger, helleristninger, båter eller veifar. Disse kan være fra tidligere tider eller fra vår egen tid. Det skilles mellom løse og faste kulturminner. og kulturmiljø, som Riksantikvaren har ansvar for, krava i planforslaget til å unngå senking av grunnvatn og tiltaket si samfunnsnytte. Det gjeld spesielt i området som er definert som «Mellomalderbyen».
– I Bergen, og spesielt i Mellomalderbyen, har vi bokstaveleg tala tusen år med historie rett under føtene våre, nokre stader berre centimeter under fortau og bilveg, seier Geiran.
Store delar av Bergen sentrum er fundamentert på mellomaldergrunn. Den største usikkerheita i planforslaget er fare for grunnvassenking. Ei grunnvassenking vil ikkje berre råka kulturminne og kulturmiljø, men også stabiliteten i grunnen som bygningar er fundamenterte på.
– Begge prosjekta føreset arkeologiske undersøkingar, og for Bybanen også omfattande overvaking og sikringSikring: Sikring innebærer alle tiltak for å beskytte kulturminner og kulturmiljøer mot skade og tap. Sikring kan blant annet dekke istandsetting, vedlikehold og skjøtsel, dokumentasjon og juridiske tiltak. Sikring kan også skje ved arkeologisk utgravning for å ta vare på kulturminnets kunnskapsverdi. av grunnvatn og kulturlag, seier Geiran.
Store kulturmiljøverdiar
Mellomalderbyen Bergen, Bergen domkyrkje, Bergenhus festning og verdsarvstaden Bryggen er kulturmiljø med stor nasjonal og internasjonal verdi. Det inneber strenge krav til nye tiltak som vil kunne få verknad for desse verdiane.
– Vi må forvalte verdsarven vår etter beste praksis, og sikre dei viktige kulturmiljøa i byen som vert påverka av tiltaka, seier Geiran.
– Bergen kommune har jobba godt med planforslaga for Bybanen, og sykkeltraseen følgjer i stor grad den som låg føre i reguleringa av bybanetraseen over Bryggen, seier Geiran.
– Det er også positivt at planforslaget held fast ved betringa av byrommet framfor Bryggen, seier Geiran.
Dei strenge krava i planforslaget, avbøtande tiltak og overvakinga i planforslaget er avgjerande for å sikre verdsarven, dei ulike verdiane og dei historiske kjenneteikna i Bergen.
Pressevakt Riksantikvaren
Ikke send sms, telefonen viderekobles.Telefonen er betjent i vanlig kontortid.
Tel: 404 65 153
Riksantikvaren godtek ny bybane- og sykkeltrasé
Riksantikvaren har vurdert Bergen kommune sine forslag til ny trasé for bybanen og sykkelveg over Bryggen, og kjem ikkje til å be Vestland fylkeskommune om å reise motsegn mot reguleringsplanen.
Eiere søker om 1,2 milliarder til kulturminner
Riksantikvaren har fått inn tilskuddsøknadene til freda kulturmiljø og kulturminner for 2027, og behovene er store.
Utlysning: europeisk forskningssamarbeid om kulturarv og klimaendringer
Det europeiske partnerskapet Resilient Cultural Heritage (RCH) har publisert sin første utlysning som er åpen for norske aktører.

