– Vi sett pris på at den viktige rolla som kulturarven spelar er godt representert i meldinga. Kulturarven er både mål, middel og motstandskraft i krig og krise, og vi er glade for at regjeringa sikrar den ytterlegare gjennom å inkludere den i den nasjonale beredskapen, seier riksantikvar Hanna Geiran.
– Riksantikvaren er godt i gang med rollen som nasjonal koordinator for oppfølging av Haag-konvensjonen, seier Geiran

Internasjonale forpliktingar
Noreg er gjennom Haag-konvensjonen og andre protokoll internasjonalt forplikta til å ha beredskap for kulturarven i Noreg. Dette gjeld også i fredstid, og i desember 2023 fekk Riksantikvaren mandat frå Klima- og miljødepartementet som nasjonal koordinator for implementeringa av Haag-konvensjonen.
– Kulturarven vil alltid være mål og middel i væpna konflikt, og blir aktivt brukt av krigførande partar for å destabilisere samfunn, seier Hanna Geiran.
Kulturmiljø er ein viktig samfunnsfunksjon, og regjeringa seier i meldinga at det er vesentleg at kulturarven takast i vare i beredskapssystem. Riksantikvaren har fått mandat til å legge til rette for, og samordne, kunnskaps- og erfaringsutvekslinga på feltet i Noreg. Det inneber blant anna at Riksantikvaren skal samordne arbeidet og ansvaret dei ulike statlege sektorane har. Behovet for ein handlingsplan for implementeringa av Haag-konvensjonen skal utredast. Haag-konvensjonen seier at det skal opprettast ein nasjonal beredskapsgruppe for kulturverdiar, der sittande riksantikvar har rolla som generalkomissær og vil fungere som leiar for gruppa.

Beredskap for kulturarv
Riksantikvaren arbeider med beredskap på fleire ulike felt, eksempelvis gjennom tilskot til- og oppfølging av brannsikring av kulturminne, og risiko- og sårbarheitsanalysar for kulturmiljø.
– Sikring av menneskeliv er alltid første prioritet, seier Hanna Geiran.
Kulturarven er sårbar, og vil alltid vere ekstra utsett for ytre påverkingar. UNESCO freistar gjennom Haag-konvensjonen og andre protokoll å verne kulturarven i væpna konflikt. UNESCO presiserer sjølv at øydelegging av kulturarv driv fram vald, hat og hemn mellom folk og svekkjer sjølve grunnlaget for fred, noko som gjer det vanskelegare å oppnå forsoning når krigen tek slutt. Difor har vern av kultur og kampen mot brotsverk retta mot kulturarv vore heilt i kjernen av UNESCO sitt oppdrag sidan organisasjonen vart grunnlagd.
– Når verdsarven i Syria og Ukraina blir utsett for målretta angrep, og vi ser reaksjonane når kjende og kjære kulturminne som Notre Dame og Børsen stå i flammar, så står det klart for oss at vi må ha nasjonal beredskap for vår eigen historie.
Pressevakt Riksantikvaren
Ikke send sms, telefonen viderekobles.Telefonen er betjent i vanlig kontortid.
Tel: 404 65 153

Forslag til ny kulturmiljølov
Lovutvalget for ny kulturmiljølov har mandag 24. mars lagt frem sin utredning om ny kulturmiljølov.

Redder kirkekunst i kritisk tilstand
Riksantikvarens tilskudd til kirkekunst i 2025 er fordelt. Se hvilke kirker som får.

Innsigelse til Sadelmakerhullet i Oslo
Riksantikvaren reiser innsigelse til Hav Eiendoms planforslag rett ved Børsen.