1,9 millionar til kyrkjekunst i 2027

I statsbudsjettet for 2026 er post 73 – tilskot til bygningar og anlegg fra mellomalderen og brannsikring på til saman 48,85 millionar kroner. Dette er ein reduksjon på 4,05 millioner kroner frå 2025. For tilskot til konservering av kunst og inventar i kyrkjer er det sett av 2 millionar kroner i tilsagnsmidler for 2027, og det er ingen tilgjengelige tilskotsmidlar for 2026 på ordningen.

– Kyrkjekunsten er nasjonalskattar. Utan dei fantastiske altertavlene, dekoren og preikestolane, hadde ikkje opplevinga av kyrkjeromma vore det same, seier klima- og miljøminister Andreas Bjelland Eriksen.

Tilskot til både tre- og murkyrkjer

I år har Riksantikvaren innvilga seks søknadar. Kyrkjene som har fått invilga sine søknadar er Bekkelaget kyrkje, Drevja kyrkje, Sel kyrkje, Vang kyrkje, Vanse kyrkje og Årdal gamle kyrkje.

– Vi har fått inn 12 søknader om tilskudd på ordninga, seier riksantikvar Hanna Geiran.

– Det er mange gode søknadar som i hovudsak omfattar kyrkjekunst som kvelvmaleri, preikestolar, maleri og lause gjenstandar, seier Geiran.

Det største prosjektet i årets søknadsbunke er Årdal gamle kyrkje. Der skal altertavla og preikestolen konserverast. Interiøret i kyrkja er heilt unikt, og alle flater er dekt med limfargedekor frå 1700-talet. Sjølve altertavla og preikestolen er frå 1630-åra, og stammar frå kyrkja sin tidlegaste periode.

Til samanlikning er det minste prosjektet som får tilskot i Vang kyrkje i Valdres. Trekyrkja vart bygd i 1839, og har eit måleri av Jesus i Getsemane. Det trur ein er måla i århundreskiftet mellom 1700-talet og 1800-talet. Måleriet har ein lapp signert J. C. Dahl datert til 1841 der han skildrar maleriet sitt opphav.

Årets tildeling er gjort med grunnlag i Forskrift om tilskudd til stavkirker, bygg og anlegg fra middelalderen, konservering og brannsikring. Det kan gis tilskudd til konservering og restaurering av maleri, altertavler/alterskap, minnetavler/epitafier, prekestoler, døpefonter, skulpturer, tekstiler, kirkesølv og annet inventar i kirken

Her er oversikt over prosjekta som har fått tilsagn for 2027.