115 innspel til dei to nye bevaringsstrategiane

Riksantikvaren har utarbeidd forslaga på oppdrag frå Klima- og miljødepartementet.

Høyringsfristen var 13.juni, og det kom inn totalt 115 innspel.

Forslaget til bevaringsstrategien for bygder og byars kulturmiljø fekk 54 innspel, medan bevaringsstrategien for næringar og industriars kulturmiljø fekk 61 innspel.

– Me er glade for alle dei konstruktive innspela som vi har motteke. Dei er svært nyttige no i det vidare arbeidet med å omarbeida og sluttføra strategiforslaga, seier assisterande riksantikvar Audun Skeidsvoll.

• Les høyringsutkast og innspel: Bygder og byar
• Les høyringsutkast og innspel: Næring og industri

Etter omarbeidinga skal strategiforslaga leverast til KLD 1. september 2025.

Så vil departementet vurdera forslaga, og gjere eventuelle endringar, før strategiane er klar til å bli sett i verk.

I arbeidet med begge bevaringsstrategiane har Riksantikvaren henta kunnskap og lagt til rette for medverknad. Bevaringsstrategiane som har vært på høyring, er baserte på denne prosessen.

Medverknadsprosessen før høyringa har gjennom vinteren bestått av spørjeundersøkingar, ressursgruppemøte, digitale dialogmøte, konsultasjon med Sametinget og samling med fylkeskommunanes og Sametingets leiarar for kulturarv.

Bevaringsstrategiane for kysten og landbruket vart vedteke 14. februar i år.