Folkets kraftløft

No sparkar kampanjen folkets kraftløft i gang. Fleire aktørar, blant anna Husbanken og Enova, støttar kampanjen som tek sikte på å opplyse fleire om enkle og gode løysingar som kan brukast til å ta betre vare på husa våre. 

– Folkets kraftløft sett fokus på eit viktig tema, som altfor få kjenner til, seier riksantikvar Hanna Geiran 

– Riksantikvaren er glad for å bidra inn i denne kampanjen. I framtida må vi ombruke fleire gamle, og ikkje fullt så gamle bygg, seier Geiran.

Les meir på nettsidene til Folkets kraftløft.

Kampanjen syner nytteverdien av å ta vare på det ein har, ein klassisk vinn-vinn for både miljø- og kulturarvssektoren. 

– Dette er bra for både klima og kulturarven. Fleire må tenke enkle, men effektive løysingar for husa sine, sier Geiran. 

Sju generelle råd til huseigarar

Størst effekt for pengane: Sidan varmen stig opp, er loftet ofte den mest lønsame staden å starte for å kutte strømrekninga. 

Sjekk kor tjukk isolasjonen er sjølv: Har du mindre enn 20 cm isolasjon i dag, kan det vere lurt å etterisolere til totalt 35–40 cm. 

Ta ein uforpliktende prat: Ring ein god handverker når du har tatt ein titt oppe på kaldloftet. 

Velg innblåsing: Løsull er raskare enn mattar og fyller alle sprekker der varmen elles lekk ut. Du kan gjere dette sjølv, dersom du veit kva du gjer. 

Tetting er viktig: Sørg for at loftsluka, eventuell plastikmembran og alle rørgjennomføringar er heilt lufttette, slik at varm fuktig luft ikkje skapar kondens. 

Behald luftinga: Bruk baffler ved takfoten slik at du ikkje tetter igjen luftinga når du legg meir isolasjon. 

Bygg heva golv: Skal du lagre ting på loftet, må du bygge ein platting på bein så du ikkje tråkker ned og øydelegg isolasjonen. Det bør vere avstand mellom isolasjon og golv.