Riksantikvaren arbeider med å etablere eit register over kulturhistoriske landskap av nasjonal interesse, på oppdrag frå Klima- og miljødepartementet. Hordaland er det andre fylket i landet der registeret er ferdigRiksantikvaren ønsker å klargjere kva for kulturhistoriske landskap i Norge som er av nasjonal interesse, for å bidra til meir føreseieleg arealplanlegging. Ein bør ta omsyn til nasjonale landskapsverdiar, til dømes ved kommunal planlegging og planlegging av store tiltak som samferdsel og kraftutbygging.
Desse områda i Hordaland er med i registeret:
- Den Indre Farleia, Austrheim, Lindås og Radøy kommunar
- Byfjellene, Bergen kommune
- Fitjarøyane, Fitjar og Bømlo kommunar
- Søre Bømlo, Bømlo kommune
- Etne, Etne kommune
- Rosendal, Kvinnherad kommune
- Indre Sørfjorden, Odda kommune
- Ytre Sørfjorden, Ullensvang herad
- Eidfjord, Eidfjord kommune
Utvalet av landskapa er gjort i nært samarbeid med Hordaland fylkeskommune. Les meir om grunngjevinga for utvalet av landskap i Hordaland her: Kulturhistoriske landskap av nasjonal interesse i Hordaland (rapport, pdf)
Landskapa vil bli lagde inn i Riksantikvarens kulturminnedatabase Askeladden.
Nasjonalt register over kulturhistoriske landskap
- Registeret oppgir landskapsområde der ein må vise særlege omsyn i samband med vidare forvalting og utvikling.
- Registeret er ein reiskap for kommunar og andre styresmakter, til hjelp i arealplanlegginga og forvaltinga av landskapa.
- At eit landskap er med i registeret, inneber ikkje formelt vern.
- Hordaland og Østfold fylkeskommune har vore med på eit forprosjekt for å utvikle og tilpasse prosjektet, og er dei to første fylka der registeret er ferdig.
- Prosjektet skal halde fram i heile landet fram mot 2020. Arbeidet er i gang i Troms, Akershus og Oppland, og det blir oppstart i fleire fylke i 2017.
Les meir om prosjektet Kulturhistoriske landskap av nasjonal interesse
Dato 11.01.2017 10:38 endret 11.01.2017 10:56
Pressevakt Riksantikvaren
Ikke send sms, telefonen viderekobles.Telefonen er betjent i vanlig kontortid.
Tel: 404 65 153
