Desse 26 stadene i Trøndelag kan få nasjonal status

Riksantikvaren og Trøndelag fylkeskommune sender no ei ny oversikt over 26 landskap i fylket på høyring.

Lista inneheld landskap frå Drivdalen i sør til Leka i nord, og ligg både ved kyst og fjord og i innlandsdalar og på fjellvidder. Stadene strekk seg over totalt 26 kommunar.

– Utkastet omfattar 26 landskap i Trøndelag som Riksantikvaren foreslår i oversikta over kulturmiljø og landskap av nasjonal interesse. Etter høyringa vil landskapa bli presentert i  ein endeleg rapport, seier seniorrådgivar hos Riksantikvaren, Ingunn Holm.

Høyringsutkastet blir sendt til kommunar, regionale og statlege styresmakter og til organisasjonar på fylkesnivå.

– Riksantikvaren ønskjer gjerne tilbakemeldingar på forslaget, seier Holm.

Den nye oversikta peikar ut landskap av nasjonal interesse i heile Trøndelag, og er basert på eit utkast frå Trøndelag fylkeskommune og Sametinget.

Målet er ei oversikt som skal visa mangfaldet av landskap i fylket. Oversikta skal først og fremst vere eit verktøy som gir kunnskap til kommunane og andre styresmakter. Den er ikkje ein verneplan, og områda blir ikkje freda.

Høyringsfristen er 1. mars 2026.  Du finn rapporten her.

Du kan seie meininga di ved å sende ein e-post til Riksantikvaren på postmottak@ra.no

Merk innspelet med «Høyring – Kulturmiljø og landskap av nasjonal interesse Trøndelag».

Sjå oversikta her:

Flatanger kommune:  
Folda 

Frosta kommune: 
Frosta 

Frøya kommune: 
Øyrekka 

Grong kommune: 
Namsen 

Holtålen kommune: 
Riasten 

Inderøy kommune:
Borgenfjorden (Børgin)
Volhaugen 

Indre Fosen kommune: 
Trondheims Mynne 

Leka kommune: 
Leka 

Levanger kommune: 
Levangernesset 

Lierne kommune:
Dåtnejaevrie – Tunnsjøen
Kvelia 

Meråker kommune: 
Skearpedaelie 

Midtre Gauldal: 
Budalen 

Namsos kommune: 
Hierkieloekte – Hestvika 

Oppdal kommune: 
Drivdalen
Klevgardan 

Orkland kommune:
Trondheims Mynne 

Osen kommune:
Folda 

Overhalla kommune:
Namsen 

Røros kommune: 
Riasten
Røros – Korssjøen – Tufsingdalen  

Røyrvik kommune: 
Johkegaske
Dåtnejaevrie – Tunnsjøen 

Selbu kommune: 
Kvernfjellet 

Snåsa kommune:
Gressåmoen 

Steinkjer kommune: 
Borgenfjorden (Børgin)
Volhaugen 

Stjørdal kommune:
Hegra 

Tydal kommune: 
Skearpedaelie
Riasten 

Verdal kommune: 
Volhaugen
Stiklestad
Inndalen  

Ørland kommune: 
Tarva
Valseidet og Koet
Trondheims Mynne