Sjå lista: 374 søknader om kyrkjetilskot

– Dette viser at moglegheita til å få tilskot byrjar å bli godt kjent i Kyrkje-Noreg, seier Oddbjørn Eide, dagleg leiar av programsekretariatet.

– Søknadene lovar godt for kyrkjebygningane, og mange har store prosjekt på gang, sier Eide.

For 2026 var det mogleg å søkje på fleire typar tilskot hos Kyrkjebevaringsfondet: Istandsetjing, kompetansetiltak, og dessutan tiltak som aukar oppleving, engasjement, formidling og deltaking. I forslaget til statsbudsjettet ligg det inne 400 millionar for 2026.

Det er forprosjekt og hovudprosjekt innanfor istandsetjing som har øvste prioritet når sekretariatet skal prioritere mellom søknadene, men Eide lovar tildelingar innanfor alle tilskotsordningane:

– Det er første gong vi har lyst ut innan ordningane for oppleving, engasjement, formidling og deltaking, og derfor er vi ekstra spent på desse søknadene. For istandsetjing og kompetanse ser vi at talet på søknader har auka kvart år, seier Eide.

– Oslo har komme på søkjarlista for første gong, og vi ser også at Finnmark har søkt, seier han.

–  Vi i sekretariatet går no inn i hektisk periode, men vi reknar med å vere ferdige med å vurdere søknadene innan slutten av februar. Då skal programstyret ta stilling til kven som får tilskot, seier Eide.

Desse har søkt