Under ei markering 28. februar vart Håkon Li takka av etter lang teneste for kyrkja i Lærdal og Fortidsminneforeningen.
Hovudstyremedlem Trude Knutzen Knagenhjelm overrekte Fortidsminneforeningen sin heidersnål til Håkon for sin innsats ved Borgund stavkyrkje gjennom meir enn 30 år.
Riksantikvaren og COWI helste til pensjonisten og takka for eit godt og verdifullt arbeid. Med ei skriftleg helsing frå riksantikvar Hanna Geiran fekk Håkon ei Schirmer-teikning av stavkyrkja på 1800-talet.
Frå Lærdal sokneråd og kyrkjeverja i Lærdal vart det overrekt blomar og gullklokke for lang og tru teneste.
