På 600 meters djupn i Skagerak ligg det ein skatt.

«Porselensvraket» gjekk sansynlegvis ned ein gong på 1700-talet, og tok med seg lasten heilt til botn.

Urmakar Espen Saastad oppdaga Porselensvraket. Han driv eit firma som overvakar havbotnen med ein fjernstyrt undervassdrone (ROV).

For å kunne hente opp gjenstandar fekk undervassdrona påmontert ein arm med sugekopp.

Nokre av gjenstandane er ekstra skjøre, slik som denne porselensfiguren som enno ikkje er henta opp frå vraket.

Arkeologar frå maritimt museum er no i gang med å undersøkje både vrak og gjenstandar for å finne svar på kvar skipet kom frå og kvifor det gjekk ned.

Riksantikvaren har gitt 2,9 millionar kronar til dette arbeidet.

Vi får kanskje aldri vite heile historia til Porselensvraket, men gjenstandane kan gje oss verdifull informasjon. Kanskje finst svaret i ein skipslogg eller eit arkiv ein stad?

No er dei fantastiske gjenstandane på Bygdøy hjå Norsk Maritimt Museum, og ein kan glede seg over at vi har fått nok ei puslespelbrikke på plass i historia om Noreg.