Sjøholt hotell

Sjøholt hotell i sveitserstil med si ruvande fasade med glaskledde verandaer, er eit velkjent landemerke langs hovedvegen mellom Vestnes og Ålesund.

Hotellet ligg i sentrum av bygda Sjøholt og er eit minnesmerke over ei tid då bygda var eit viktig trafikk-knutepunkt i Møre og Romsdal.

Om kulturminnet

Sjøholt hotell er eit viktig kulturminne frå tidleg 1900-tal, både som enkeltståande bygning og som eit eksempel på ferdighusproduksjon. Hotellet er òg eit godt eksempel på den turismen som vaks fram i fylket og i Noreg på den tida.

Sjøholt hotell vart oppført som turisthotell i 1903-04. Hotellet er i tre etasjar med loft og med ein bakanforliggande fløy på kvar side av bygningskroppen

Då vegen over Ørskogfjellet vart opna i 1835, vart Sjøholt sentrum for gjennomgangstrafikken nord- og sørover så vel som inn til Sunnmørsfjordane, og slik ein naturleg stoppestad for trafikken gjennom fylket.

Omfanget av fredinga

Fredinga etter §15 i Kulturminnelova omfattar hotellet med eksteriør og konstruksjon, og i tillegg interiør i andre og tredje etasje.

Formålet med fredinga

Formålet med fredinga etter kml §15 å bevare Sjøholt hotell som eit arkitektonisk, stilhistorisk og kulturhistorisk viktig døme på eit ferdigprodusert turisthotell i sveitserstil frå tidleg på 1900-talet.

Formålet med fredinga etter §19 i Kulturminnelova er å bevare både kulturminnet og miljøet rundt ved å sikre eit opent areal rundt hotellet.

Les meir om omfang av og formål med fredinga i fredingsbrevet.